Swydd ar gael

Mae Cymorth Compost yn chwilio am gydlynydd newydd i gychwyn cyn gynted â
phosibl ar ôl Chwefror 29ain 2008. Lawrlwythwch y swydd ddisgrifiad,
manylion personol a'r ffurflen gais (MS Word DOC). Lawrlwythwch y swydd ddisgrifiad, manylion personol a'r ffurflen gais (PDF).

Mae'r swydd hon yn gyfle gwych i ddatblygu prosiect amgylcheddol a chymdeithasol llwyddianus sydd yn ymgymryd â'r gwaith pwysig o atal gwastraff domestig a anfonir i safleoedd tirlenwi yn flynyddol. Byddwch yn gweithio mewn partneriaeth gydag amryw o sefydliadau, canolfannau ac awdurdodau lleol gan weithio i gynnal gweithgareddau Cymorth Compost a bydd digon o gyfle i arwain y bartneriaeth i gyfeiriadau newydd.

Manylion y Prosiect Cymorth Compost Aid

Ffurfiwyd Partneriaeth Cymorth Compost Aid er mwyn darparu cyngor ymarferol am gompostio yn y cartref i drigolion Gwynedd drwy:

1) gyflogi cydgysylltydd cymorth compostio yn y cartref
2) recriwtio gwirfoddolwyr i hyrwyddo a darparu cyngor am gompostio yn y cartref
3) darparu hyfforddiant compostio yn y cartref i’r gwirfoddolwyr
4) annog pobl i ofyn am finiau compost Gwynedd, sydd am ddim, a’u defnyddio
5) cymharu cyngor arfer da, a’i ddefnyddio fel pecyn adnodd ar gyfer y gwirfoddolwyr
6) gwneud cysylltiadau gyda sefydliadau a gweithgareddau amgylcheddol eraill e.e. garddio, bywyd gwyllt, cynlluniau rhandir, lleihau gwastraff, compostio cymunedol ayyb.
Mae’r 5 sefydliad cymunedol yn y bartneriaeth oll yn rhan o wahanol weithgareddau amgylcheddol yng Ngwynedd.

Statws y Prosiect ar 19eg Chwefror 2008

Mae Cymorth Compost mewn cyfnod o newid. Mae'r cyllid cychwynol yn dod i ben ar Mawrth 31ain, Mae Deio Jones y cydlynydd presennol yn gweithio rhan amser ar y prosiect ar hyn o bryd ac yn gadael i swydd llawn amser ar Fawrth 1af 2008. Hyd yn hyn mae'r cynllun wedi cyflawni y canlynol:

• Saith cwrs hyfforddi wedi ei cynnal: 3 yn Moelyci, 3 yn Gwaith Powdr Penrhyndeudaeth, a un yn Ty Hyll, Capel Curig.
• 52 o wirfoddolwyr wedi derbyn hyfforddiant
• 20 o wirfoddolwyr wedi eu cadrnhau yn weithredol
• 28 gwirfoddolwr potensial ar y rhestr aros
• Gwirfoddolwyr wedi codi ymwybydiaeth ymysg teulu a ffrindiau, ac wedi dangos diddordeb mewn cynnal gweithgareddau / prosiectau cymunedol
• Dros 100 o finiau compost wedi eu dosbarthu
• Mae'r prosiect yn symud o fodel sydd ond yn cynnig hyfforddiant i gefnogi gwirfoddolwyr gyda amryw o wahanol weithgareddau i godi ymwybyddiaeth a recriwtio mwy o wirfoddolwyr.
• Cyfanswm o 16 o ddigwyddiadau compostio cartref wedi eu cynnal rhwng Mehefin 9fed a Rhagfyr 31ain 2007.

Y Ffynnonellau Cyllid

                  Cronfa Gymunedol Caergylchu

Clustnodwyd arian i’r Bartneriaeth gan Gronfa Gymunedol Caergylchu ym mis Mawrth 2007 am y cyfnod o 1 o Ebrill hyd 31 o Mawrth 2008. Mae’r Gronfa yn cael ei rheoli gan Mantell Gwynedd, cyngor gwasanaethau gwirfoddol y sir, yng Nghaernarfon. Ffynhonnell Cronfa Gymunedol Caergylchu ydy grant o’r Gronfa Gymdeithasol Ewropeaidd.

Mae’r pecyn ariannol yn talu am y swydd Cydgysylltydd Cymorth Compost a’r costau swyddfa, ond hefyd am hyfforddi staff, cyfarfodydd grwp llywio, costau gwirfoddolwyr, deunyddiau gwybodaeth hyrwyddo, cadi compostio cegin, a sefydlu 2 safle arddangos compostio yn y cartref. Bydd Cyngor Gwynedd yn darparu biniau compost am ddim. Mae'r Bartneriaeth yn darparu ceisiadau am cyllid i'r flwyddyn 2008/9.